Bcarek BMS aurreratuak garatzen ditu Litioko baterietarako, bateria osoaren portaera ez ezik hura osatzen duten azpi-moduluena ere monitorizatzeko gai direnak, eta are gehiago, azpi-modulu bakoitza osatzen duten paraleloko gelaxka-multzoen gainean.
BMSak aldizka monitorizatzen du bateriaren aldagai garrantzitsuenen balioa. Algoritmo batek informazio hori denbora errealean interpretatzen du eta bateriaren karga-egoera (SoC) eta osasun-egoera (SoH) kalkulatzen ditu. Era berean, monitorizazio-informazioa erabiltzen du babesak kudeatzeko; horiek kargagailuaren bateria deskonektatuko dute korrontea (I), tentsioa (V) edo tenperatura (T) tartean ez daudenean, eta dagozkion alarmak sortuko dituzte. BMSak kargagailuarekin komunikatzeko ataka bat eta bateriaren egoerari buruzko informazioa emateko LED diodo bat barne hartzen ditu.